【明報專訊】《南華早報》噚日向員工宣布，公司會落實同性配偶福利政策，包括會有3日婚假，同埋可以為同性伴侶購買公司嘅保險，今次係第一間本地傳媒推行呢個政策。人民力量立法會議員陳志全（慢必）讚賞南早呢個做法，認為絕對係好事，佢話唔少金融機構好似匯豐銀行等，都有畀同性伴侶同等福利，代表到公司多元、共融，佢希望南早呢個做法，可以對本地機構起到示範作用。