【明報專訊】民主派會議召集人、資訊科技界立法會議員莫乃光（Charles）上星期右耳突然失聰，佢噚日現身立法會復工，Charles話收到好多人嘅關心信息，佢希望表達感謝。佢憶述發現右耳失聰經過，話上周二晚瞓覺時已經覺得耳仔入面有壓力，第二朝起身聽唔到太太叫佢，之後不斷試耳筒都聽唔到嘢，但佢亦繼續返立法會開會，同時上網睇吓呢個情况係發生咩事。