【明報專訊】病人洗血畀醫生刺穿血管，醫院話係併發，病人家屬當係事故，到底實情如何？微創手術喺病人身體留咗少少鐵粉，又無影響健康，要唔要同病人講呢？醫生使唔使向上呈報呢？每次病人投訴呢啲問題，病人家屬同醫生都拗個沒完沒了。上任半年嘅醫管局質素及安全總監鍾健禮話，部分醫護不理解醫療事故通報機制，通報文化同風氣有待加強，家陣要出招鼓勵佢哋對病人同家屬「開誠布公」。