【明報專訊】中美貿易摩擦近月球來球往，美港關係似乎仍然唔錯，美國駐港總領事唐偉康（Kurt Tong）同特首林鄭月娥噚日喺金鐘出席美國國慶活動，兩人互笠高帽，唐偉康致辭盛讚香港自由營商環境，林太就強調美港合作尤關重要。林太提到，美國對外最大商品貿易順差嘅經濟體正正係香港，話自己上年喺亞太經合組織（APEC）會議，向美國總統特朗普提到貿易順差嘅數字，林太講笑話，雖然唔係好肯定，但特朗普聽到顯然覺得開心（pleased）。