【明報專訊】澳門立法會議員蘇嘉豪去年12月因為被控「加重違令罪」，遭立法會投票通過暫時中止職務，當地法院上星期確認案件判決，蘇嘉豪亦已繳納罰款，立法會噚日通知蘇嘉豪，話已經收到法院確定文件，事隔7個月後，佢終於正式恢復議員職務。蘇嘉豪噚日喺facebook直播從議員辦公室行到委員會會議室，參與復職後第一個會議，唔少網民都留言祝賀佢復職，並為佢打氣。