【明報專訊】劉小麗噚日同傳媒茶敘，講吓近况。小麗已經表明會積極考慮參加九龍西補選，佢話為咗可以幫市民重奪議會中嘅話語權，同埋為香港穩住陣腳，唔介意犧牲。被問到至今有乜犧牲，佢話，自從被取消立法會議員資格後，都無喺大學復職，因為佢想繼續跟進各類民生議題，𠵱家都係零收入，靠積蓄生活。