【明報專訊】科技發達，唔少政府機構都講數碼化，政務司長辦公室噚日書面回覆立法會議員提問，披露咗歷史檔案館數碼化進度，原來檔案館150萬項藏品中，得5.7%已經數碼化。數字聽落唔多，Emily請教檔案處前處長朱福強，不時為推動檔案法同政府「駁火」嘅佢今次就撐檔案館，話「唔覺得有問題」，又話檔案館唔同圖書館，「好多檔案一年無幾多人睇」，未必需要花咁大工夫將全部藏品數碼化。