【明報專訊】街工立法會議員梁耀忠（小圖）喺1995年開始擔任立法局（立法會前身）議員，雖然臨立會時期短暫「下車」，但佢喺1998年重返立法會至今，已經成為立法會內第二資深嘅議員。外界不時將阿忠同民協馮檢基比較，質疑阿忠係咪想「永續參選」，阿忠噚日接受民主黨主席劉慧卿訪問時透露，未決定2020年會唔會參加立法會選舉，但已經同黨友黃潤達有共識，最好嘅做法係「下屆我可以排第二」，幫黃潤達「抬轎」。