【明報專訊】世界盃賽事打得如火如荼，民建聯立法會議員早前分別喺facebook發貼捧德國同阿根廷，結果兩隊雙雙失利，阿根廷繼被冰島逼和，仲大敗畀克羅地亞，網民再次拎民建聯幅撐阿根廷圖討論，形容呢支南美勁旅係被民記「燈死」，笑民建聯「連下兩城」、成功「過關」咁話。撐阿根廷嘅柯創盛噚日同Emily講，唔介意畀人話「燈」，最緊要阿根廷出到線，但承認球隊出線機會比較微，對球隊表現感到失望咁話。