【明報專訊】教育局長楊潤雄噚日上京，今日會同國家教育部官員舉行工作會議，佢噚日上到飛機時，身邊坐咗成班圓玄學院石圍角小學嘅同學仔（圖），佢哋同老師一齊去北京交流學習5日。楊局長同班小學生有講有笑，同學仔都話好期待去探訪北京姊妹學校嘅同學，仲話會去故宮、天安門廣場及798藝術區等地參觀學習。