【明報專訊】政府上星期五刊憲建議將侍產假由3日增至5日，係唔少未來父親嘅喜訊。以往提出唔少倡議嘅民主黨前黨員、勞工及福利局長羅致光（CK，圖）自從加入熱廚房後，不時畀社福界或勞工界翻舊帳，噚日佢就喺網誌「自我引爆」，原來佢2001年做立法會社福界議員時曾編製咗一份文件，建議政府考慮設立例如兩星期嘅侍產假。回望過去，CK話對比今日各界叫價，當年開價可謂「超時空」咁高，亦同現時建議嘅5日有頗大落差。