【明報專訊】星期日就係東區區議會佳曉選區補選，早前泛民支持嘅候選人李鳳琼、建制派支持嘅民建聯植潔鈴先後舉行造勢大會，並獲陣營內不同黨派議員、名人到場支持，好似植潔鈴嘅造勢活動，除咗民建聯，工聯會、新民黨、經民聯嘅政黨領導都有落去撐場；不過，港島立法會議員、新民黨主席葉劉淑儀就表明補選當日「唔敢」、唔會再落去助選喇，原來佢出席完造勢大會，就搞到有10個黨友退黨，可謂損失慘重。