【明報專訊】本港首度有鷹鯆（其中一種魔鬼魚，鯆粵音鋪）寶寶出世喇，海洋公園嘅10歲雌性鷹鯆「Pam」舊年4月成功懷孕，今年1月6日誕下兩條龍鳳胎鷹鯆寶寶「波波」同「點點」，佢哋兩個𠵱家接受緊護理訓練，噚日首次見傳媒，兩個都好興奮，一見到Emily都非常好奇，特登游埋池邊拍拍雙鰭好似同大家打招呼咁，園方估計佢哋會喺今年第四季同大家見面。