【明報專訊】立法會噚日恢復高鐵一地兩檢條例草案二讀辯論，身兼草案委員會主席嘅新民黨葉劉淑儀及副主席民建聯張國鈞，特登請記者食燒肉，順便慶祝委員會「功成身退」。不過，葉太喺運房局政治助理符傳富面前向Emily吐苦水，話喺草案委員會幫手做完一地兩檢草案嘅工作，但運房局「多謝都無聲」，葉太講明唔係小器，但就話「我記住㗎」，形容政府「有事鍾無艷，無事夏迎春」，符傳富就一臉無奈，笑笑口話會反映。