【明報文章】朋友知道我會煮幾味，經常問：「幾時請我去你度食番餐？」我下巴輕輕，應承落頗多街數，走數兩年多，債未還，朋友們心已死，認定我冇口齒、唔認數。其實有苦衷，家居大裝修，好好住，但有一個defect，就係睡房隔音差。為了慳地方，近年香港家居，房門常用「趟門」，但一般難以隔音。我家為例，請客吃飯，睡房就算是把趟門緊閉，門縫加埋隔音棉條，依然十分「應聲」，外邊高談闊論，裏邊的人聲聲入耳。