【明報專訊】全國政協副主席梁振英（CY）近期頻頻喺facebook論政，最近佢好關注梁天琦暴動罪成案，兩度發文評論《蘋果日報》嘅報道，噚日佢就指該報頭條大字標題「勇於承擔 不放棄香港」，形容部分「反對派的頭面人物和港獨份子隨即為梁天琦塗脂抹粉」，佢質疑如果梁天琦面對審判係「承擔」，咁點解該報無嚴辭譴責棄保潛逃嘅黃台仰、呼籲對方返港自首，質疑該報將梁天琦英雄化，「就是繼續荼毒人家的青年子女」。