【明報專訊】鍾意踩單車嘅朋友仔留意喇！由路勁地產主辦嘅路勁慈善單車錦標賽今年11月11日會喺元朗錦田舉行。賽事總監陳冠英話，第一次用錦田繞道做專業單車賽道，當中有唔少暗上暗落位，對參賽者嘅技術有一定挑戰，轉彎位比市區賽道少，大直路比較多，對體能同技術要求更高。佢話，今次賽制都好有特色，有12組專業賽事，包括兩組隊制計時賽、6組分程賽、2組精英賽及2組企業賽。