【明報文章】話說，中國人本來全部都係講普通話嘅。有一日，班中國人話要起一棟全中國最高嘅樓。佢哋好團結好齊心，棟樓起得好快，愈來愈高。佢哋好驕傲，話棟樓會高到上天，高過玉皇大帝住嘅天庭。玉皇大帝唔高興，一個施法，班中國人忽然唔講普通話，開始講廣東話、上海話、蒙古話、湖南話、潮州話、客家話、圍頭話、閩南話、四川話、維吾爾話、東北話、壯族話、河南話、潮語、網絡語、神馬浮雲、九唔搭八……中國人各散東西南北，各起各的樓，於是樓價就暴跌了……等陣先，個故仔有啲唔妥，中國人本來是講普通話的麼？