【明報專訊】超過30個民主派團體同政黨發表聯署聲明，要求政府立即撤回《國歌法》條例草案嘅建議文件，改以白紙草案諮詢公眾。條例草案提到篡改國歌曲譜、歌詞，以歪曲、貶損方式奏唱即屬犯罪，噚日多個團體喺立法會外請願講呢份聲明，仲即席用小提琴同長笛等演奏改編版國歌、一個調子柔和嘅版本，話愛國都有唔同方法同情感，反問有啲人想唱慢啲、奏得柔和啲，係咪都算貶損或篡改國歌？