【明報專訊】噚日係母親節，首次以特首身分過節嘅林鄭月娥，節日「活動」主要係搭飛機，佢出席完四川汶川大地震10周年紀念活動，上晝返港後，夜晚7點又搭飛機去泰國曼谷，出席今朝聯合國ESCAP（亞洲及太平洋經濟社會委員會）會議。不過，林太不忘放閃，喺facebook上載兩個仔兒時相片同近照，留言話「見到孩子長大成人，追求自己嘅夢想，就係做母親嘅最大喜悅」。