【明報專訊】民主派立法會議員區諾軒去年退出民主黨，佢噚日接受民主黨前主席劉慧卿訪問，大談退黨原因。佢形容自己係屬於「砌」嘅路線，加上進步民主派被打壓得厲害，「基本上係被剝光豬」，所以自己想去幫進步民主派一把。佢仲話，當時諗咗好耐係咪要退黨，卿姐聽到就話：「衰仔，成日都想走。」至於會唔會參加下屆立法會選舉，區話：「Never say never（永不說不）。」但就話講呢個問題真係言之尚早。