【明報專訊】立法會仲有九龍西同新界東兩個議席空缺，被取消議員資格嘅劉小麗講過，如果唔可以申請加快上訴程序，可能會考慮撤回上訴，換言之就可以快啲再補選九西議席。建制派似乎已經準備好再戰九西，其中被傳有機會出戰嘅經民聯區議員梁文廣，最近喺九西貼滿新橫額（圖），佢同Emily講「對於補選，經民聯已經準備充足」，但最終邊個參選仍要整個建制派商討。