【明報專訊】香港教育專業人員協會已踏入45周年，為隆重其事，教協話大事慶祝，5月19日辦大型酒會及展覽，特首林鄭月娥仲答應出席。會長馮偉華話教協唔算缺錢，屆時唔會籌款，所以林太唔使擔心。今次係首次有特首出席教協會慶，算係突破，馮偉華就話唔怕畀人話教協同政府「行埋一齊」，話林太去教協活動、了解多啲教育界睇法係好事。