【明報專訊】勞工及福利局長羅致光原來讀書時愛刨馬經，但就話自己唔係賭錢，而係好奇馬經數據，仲同專業馬評人「較技」。佢話「每次賽馬前都會貼兩隻馬，當買5元、10元，年底結算，睇吓馬評家贏得多，定係自己贏得多」；佢仲話自己會睇晨操狀態、騎師和練馬師嘅表現，再分析「下注」，曾贏過180倍大冷，試過年結時跑贏專業馬評人。