【明報專訊】工聯會會長吳秋北噚日同一班記者行家講起強積金對冲，仲講到早幾日有報紙引述行會成員、飲食界立法會議員張宇人話，如果政府放現行方案上立法會，佢可能會投反對票之後辭任行會。吳秋北就話，如果商界再開天索價，只會令社會反感，政府已經「落水」咁多，商界仲要「跳草裙舞」；而如果張宇人真係咁講，應該要問佢係咪想靠嚇，強調工聯會唔會受嚇，「以（勞工及福利局長）羅致光嘅聰明才智都唔應該受嚇」。