【明報專訊】全國政協常委唐英年早幾年牽頭成立香港江蘇社團總會，下周五（20日）一連三日會喺維園舉辦「水韻江蘇．相約香港」江蘇文化嘉年華，希望透過江蘇美食、文化表演、特色展品等，令大家更了解江蘇。唐唐噚日介紹活動時，就同籍貫江蘇嘅藝人高海寧一齊包上海菜肉雲吞同薺菜糰子，睇落算有板有眼。