【明報專訊】毛孟靜、朱凱廸、街工梁耀忠同人民力量陳志全（慢必）去年合組聯盟「議會陣線」，盼加強民主派第四板塊嘅溝通同合作。噚日議會陣線熱烈歡迎新丁議員區諾軒同新民主同盟范國威（Gary）加盟。被問到Gary一向提倡本土優先，但朱凱廸同區諾軒都被認為係「左膠（左翼）」，大家會唔會好難合作，身為「議會陣線」召集人嘅毛孟靜就話：「左膠右膠一齊隨時係萬能膠。」