【明報專訊】全國政協常委何柱國向來語出驚人，噚日佢接受無綫新聞節目《講清講楚》訪問時，就話想為年輕人解決房屋問題，建議將香港監獄遷往內地，以騰出土地建屋。佢又引述喺北京時曾經見過好高級嘅中央官員，對方就香港施政提醒：「決不能『新官不理舊帳』，為積極做事者撐腰鼓勁，庸政懶者要嚴肅問責」，何柱國話，呢條問題可能係畀財政司長陳茂波，「點解佢唔落力做啲嘢？林鄭（月娥）如果你做特首，你咪支持佢（陳）囉」。