【明報專訊】全國人大、政協「兩會」正喺北京舉行，大批建制派領袖呢兩個禮拜都喺北京開會，咁啱噚日全國人大會議要就修改憲法投票，同香港立法會補選撞期，港區36名人代齊齊留京，包括民建聯前主席譚耀宗、工聯會理事長吳秋北等；返港幫建制派候選人拉票嘅重任，就落喺噚日放假嘅香港政協委員身上，例如民建聯主席李慧琼、新界社團聯會會長梁志祥、工聯會會長林淑儀等人就飛返香港助陣。