【明報專訊】新界人喜慶日子除咗會食盆菜，仲有其他飲食文化，民建聯劉國勳噚日去咗沙頭角蓮麻坑搵食，原來村民有慶典，會整客家柴火燘豬肉，佢哋喺戶外築起火爐，放上巨鑊，用柴起火，仲有蒸白飯配肥豬肉，劉國勳話燘豬肉雖然肥，但食落唔油膩。佢唔係原居民，但噚日都有得「分豬肉」，即場食完後，村民仲送咗一盆畀佢，又食又拎。