【明報專訊】立法會正審議高鐵「一地兩檢」法案，政府希望可以喺7月立法會休會前通過，令高鐵如期通車，香港廣東社團總會噚日喺立法會門外舉行支持一地兩檢立法花車大巡遊啟動禮，多個屬會都動員支持者到場，現場所見約有數百人出席。唔少人高舉「同心創前路 高鐵連未來」等標語，不過活動唔係搵社團領導發言支持方案為主，主要係唔同屬會舉起標語同橫額，輪流上台大合照「打卡」。集會後部分廣東社團總會嘅代表就坐上開篷巴士巡遊，宣傳支持一地兩檢嘅立場。