【明報專訊】鄉議局主席劉業強同沙田鄉事委員會副主席李志麒，大年初二（17日）按傳統分別為香港同沙田求籤，發生兩籤對調嘅烏龍事件。沙田鄉事委員會主席莫錦貴噚日出席新春團拜時話，呢件事搞到佢成晚失眠，諗點搞番好求籤儀式嗰陣嘅秩序，又自責點解唔管理得好啲，不過就仍然唔覺得香港同沙田兩支籤有調亂到，接受呢個係神明安排。