【明報專訊】每年農曆新年前後唔少公司都會搞春茗，同合作伙伴食餐飯，順便講吓來年發展方向。噚日Emily就去咗由智慧城市聯盟主辦嘅午宴，碰到數碼港行政總裁林向陽，佢同Emily講話將於4月中離任行政總裁一職，仲已經向公司內部發通告。林向陽2010年起出任數碼港行政總裁，至今8年，任內曾見證GoGoVan由一間初創企業變成獨角獸（估值逾10億美元嘅未上市公司）。數碼港尋晚亦向Emily確認呢個消息。