【明報專訊】年近歲晚，唔少議員都會落區為街坊寫揮春，近日網上瘋傳一張印有工聯會麥美娟（Alice）名字嘅揮春上寫有「知足常落」，被人質疑建制派咁都可以寫錯字云云，噚日唔少泛民以此為樂，好似民主黨許智峯就喺facebook上載拎住佢寫有「知足常樂」嘅揮春同街坊合照，個post仲tag埋Alice；公民黨楊岳橋則上載喺區內為街坊寫「枝竹常落」嘅相；人民力量陳志全亦拎住揮春，喺fb問「點解今日咁多街坊要寫『枝竹常落』？想打邊爐？還是食羊腩煲？」