【明報專訊】聲稱唔係「眾志 Plan B」嘅南區區議員區諾軒，報名參選港島區補選時非常低調，並無邀請記者，其後幾日亦無接受傳媒訪問，佢噚日終於開記者會公布參選宣言，有唔少民主派站台支持，好似其他區參與補選嘅泛民代表、被取消參選資格（DQ）嘅香港眾志周庭同黨友黃之鋒、社民連主席吳文遠等。而公民黨陳淑莊噚日下晝仲喺立法會，投完票後亦趕去旺角舉行嘅記者會撐場，但陳淑莊喺立法會見到民主黨主席胡志偉，即刻問志偉會唔會一齊去，志偉竟然話唔知有呢個記者會，亦無獲邀出席。