【明報專訊】工聯會今年成立70周年，唔少得搞吓慶祝活動，噚日工聯會就喺九龍公園舉辦會慶啟動禮，介紹嚟緊一年有乜活動，又邀請到政務司長張建宗做主禮嘉賓。噚日大風又凍凍哋，間中有雨，工聯會會長林淑儀致辭時就話，工聯會70年嚟經歷過風風雨雨，呢啲天氣只係小事，形容佢哋一直都喺困難同挑戰中成長，無論將來是晴是雨，都會牢記工會維護勞工權益嘅使命咁話。