【明報專訊】大家出街食飯，總有機會幫襯到美心集團旗下嘅食肆，舊年係美心集團60周年，佢哋搞咗多個活動與眾同樂，好似送月餅等，仲出埋60周年特刊，介紹集團嘅前世今生。唔睇唔知，原來以前嘅美心餐廳有現場樂隊表演，集團後來愈做愈大，種類多樣化，美心西餅仲開到差唔多每個港鐵站都有一間。