【明報專訊】運輸及房屋局前局長張炳良喺政府期間少談政治，離開熱廚房後對政治議題就似乎講得比較放。網媒「眾新聞」噚日刊出佢嘅訪問，當中張炳良大談政改，指現時泛民同中央立場都無轉圜餘地，睇唔到破局方法，仲話「如果從沒有感情的角度看，就等個局衰到『貼地』，北京覺得還是要改（政制），社會各界包括反對派都覺得『還是妥協』吧」，先有機會重啟政改。