【明報專訊】繼鮑魚炒飯冇鮑魚之後，有中菜酒家售賣嘅「粟米石斑塊」疑似用鯰魚充石斑，違反《商品說明條例》被票控，即刻引嚟大量疑問，唔知碗仔翅會唔會犯法呢？蝴蝶酥冇蝴蝶又點樣呢？消費者委員會總幹事黃鳳嫺就話，犯法與否視乎虛假說明是否達到關鍵程度，衡量時亦都要考慮消費者嘅合理期望。