【明報專訊】一年一度工展會正喺維園舉行，唔少市民都趁機去掃貨，立法會會議要到明年先復會，民建聯噚日亦拉隊去行工展會支持一番。唔知係咪呢排天氣轉冷，民建聯議員似乎都鍾情臘味，好似議員柯創盛同埋話要減肥嘅黃定光，不約而同都買咗唔少臘味。至於Ann姐蔣麗芸雖然未行晒就離開，但就買咗成隻金華火腿，話要用嚟煲湯。