【明報專訊】立法會上星期通過修改《議事規則》，其中不屬泛民、建制嘅醫學界議員陳沛然投下棄權票，結果醫學界團體「杏林覺醒」同「真普選醫生聯盟」前日就發聲明，話對陳沛然投棄權票「感到極為失望」。聲明話，陳沛然手中嘅即使唔係關鍵一票，唔可以改寫結果，都應該憑良心同專業精神，反對議事規則修改，批評今次關乎大是大非，指陳沛然喺發言時質疑「修改議事規則有違反基本法之嫌」，但就投棄權票，要求對方交代理據。