【明報專訊】新民黨立法會議員容海恩同該黨成員、沙田區議會主席何厚祥嘅聯合辦事處噚日開幕，唔少官員畀面出席，包括律政司長袁國強、特首辦主任陳國基、發展局長黃偉綸等，大家都好關注袁國強係咪已經辭咗職、好快會離開熱廚房，袁國強依舊唔回應，只係話自己有會開要早走，同記者講句拜拜就上車離開。