【明報專訊】公民黨立法會議員郭家麒噚日宣布會參加港區人大選舉，但就講明唔會簽擁護中國憲法嘅聲明（民主派俗稱「衰仔紙」）。唔簽「衰仔紙」好大可能連閘都入唔到，郭醫生就話自己去年參選立法會都無簽擁護《基本法》嘅聲明啦，仲指被DQ（取消參選資格）已經係常態，強調自己參選人代係為咗畀港人睇吓呢場選舉有幾假。