【明報專訊】4名立法會議員噚日去咗西貢創興水上活動中心和香港外展訓練學校，唔係睇康體設施，探訪對象係牛牛。近年漁護署採取牛隻遷徙計劃，將牛移居到認為合適嘅地方，立法會研究動物權益相關事宜小組委員會成員於是親身了解牛牛遷移地嘅生態環境，及「牛路坑」嘅設置。牛路坑係類似長條形間條金屬渠蓋嘅裝置，目的係阻住牛越過範圍，防止佢哋去馬路被車撞倒。