【明報專訊】港珠澳大橋即將完工，今年底前具備通車條件，雖然未知幾時可以實際通車，但內地央視報道，大橋主體工程經歷咗20幾日嘅荷載試驗，噚日最後一段橋面荷載試驗終於搞掂，大橋可以全面驗收。報道話，荷載試驗主要為咗驗吓條橋嘅實際承載能力，睇吓有冇移位或變形，對之後通唔通到車好關鍵；上月底開始荷載試驗後，已經先後對橋面、鋼箱樑、索塔等關鍵部件做咗外觀、靜態載重、動態載重嘅壓力測試。