【明報專訊】立法會今個月復會以來，泛民、建制屢屢駁火，上星期由議事規則委員會、立法會大會，去到內委會、財委會，星期一至五都爭拗不斷，不過唔代表泛民建制無偈傾、無得合作嘅，喺民生議題上大家都願意合作，好似噚日舉行嘅環境事務委員會上，3個由不同黨派議員提出嘅動議都獲通過，包括被泛民提譴責動議嘅無黨派何君堯，泛民同樣支持佢提出善用家居適意設施安裝太陽能板嘅動議。