【明報專訊】下個月26日就係中西區區議會山頂同東華區議會選舉補選嘅投票日，候選人都趁周日出動拉票，山頂區方面，泛民支持嘅錢志健（右）噚日喺區內搞造勢大會，獲「民主動力」創會召集人鄭宇碩、香港本土毛孟靜、民主黨林卓廷，甚至全國政協前委員劉夢熊（左）撐場。雖然外間都認為佢對手、自由黨楊哲安選情睇高一線，但錢志健同樣有星級人物支持，佢近日就喺區內掛起獲導演張堅庭支持嘅橫額。