【明報專訊】今屆立法會已經過咗一年，噚日民建聯幾個議會新丁張國鈞、周浩鼎（Holden）、柯創盛、劉國勳同記者茶敘，總結經驗展望將來。早前捲入為前特首梁振英修改UGL文件一事嘅周浩鼎就話，過去一年係「挑戰同發揮並存嘅一年」，好慶幸自己係出席率最高同入得口頭質詢最多嘅議員之一，未來已經滿腹大計，想做啲經濟同司法方面嘅工作。