【明報專訊】立法會4個議席明年3月11日補選，民主黨主席胡志偉日前話被DQ嘅議員應有補選優先權，但有意參選嘅新民主同盟范國威似乎唔同意，佢話民主動力嘅共識僅限於被DQ者優先參選自己原來嘅議席，下年補選，新界東、九龍西係填補青年新政梁頌恆同游蕙禎嘅議席出缺，故泛民嘅共識係梁游兩人有優先權參選，而唔係梁國雄同劉小麗，認為若梁游唔選，泛民應初選決定參選者。