【明報專訊】噚日朝早返工繁忙時間，粉嶺公路出九龍方向大塞車，搞到好多居民都失預算，原來塞車原因唔係交通意外，而係承辦商維修路面做耐咗，搞到部分行車線8時半前仲未解封。身兼立法會及北區區議員嘅民建聯劉國勳就大鬧「憤怒，強烈譴責」，仲打電話去搵路政署長鍾錦華投訴，話要追究責任。